حققنا 300 عضو فى أول 15 يوم
يتم قبول فكرتنا بنسبة 100% بفضل الله و نسبة الرفض 0% بحمد الله
إحنا مجموعة من الشباب المصريين ، همنا زى كل واحد في مصر توفير فرصة عمل مستمرة و تحقيق دخل دائم مناسب لحياة كريمة .
أخدنا على عاتقنا تحقيق الموازنة بين العمل الحر الإضافى و الربح الحلال لكل الناس والاستفادة من العلاقات الشخصية بأقل مجهود و في أقصر وقت ممكن لتوفير الوقت اللازم للراحة و التعليم و تنمية الذات .
و لأن مشكلة كل الناس في مصر هي الشغل طول الوقت و الاجتهاد للحصول على مصدر دخل محترم لتوفير الغذاء و العلاج عشان يعيشوا حياة كريمة .
فكرنا اننا نوفر لكل الناس فرصة للشغل كعمل إضافى حر توفر له دخل دائم شهرى و توفر له اهم العناصر الأساسية في حياته من غير أي معاناة و أهم العناصر دى هو الأكل و أدوات التعليم و العلاج و الكسوة الأساسية .
أسسنا الشركة في فبراير 2012 و نظرا للظروف الاقتصادية و السياسية اللى كانت بتمر بيهم البلد فضلنا اننا نجمد النشاط لحد ما يحصل حالة من الاستقرار الاقتصادى .
و رجعنا في يوليو 2017 معانا فكر جديد و أسلوب مبتكر و فرص زيادة بعد تطوير نظامنا و برنامجنا بشكل يتماشى مع الفترة المعاصرة .
إحنا مش الشركة إحنا مجرد مؤسسين .. مش مهم الأسماء مش مهم الأشخاص لأن انت و هو و هي الشركة كل واحد فيكم هو الشركة .
هدفنا تأسيس مؤسسة نافعة مفيدة لكل الناس باختلاف السن و النوع و الثقافة ، و بصرف النظر عن الأشخاص و الأسماء اللى تديرها .. و رؤيتنا قدامنا أن المؤسسة تكبر و تنمو بيكم أنتم و بمجهودكم .
الفرصة مفتوحة قدامك عشان تكون واحد مننا ، انضم لينا و حط ايدك في أيدينا نكبر و ننمو و نتقدم سوا و نقدم للناس أفضل نموذج للتكافل الاجتماعى و نحقق مبدأ فيد و استفيد ببساطة و سهولة .
شايفين سهلة النهاردة و شايفينها بعد سنة و شايفينها كمان بعد خمس سنين و هي ليها فروع في كل مصر في جميع المحافظات و المدن و حتى القرى الصغيرة .
لو حلمت حلمنا و شفت بعينينا و حطيت ايدك في أيدينا هتبقى سهلة شركتك و هنكبرها سوا و هنوصلها للعالمية إن شاء الله.
تابعنا و تابع الصفحة دى باستمرار و شوف التغيير اللى بيحصل كل فترة و قيس معانا سرعة التطور و التغيرات اللى بتحصل باستمرار .
الفكرة ببساطة
فكرتنا بسيطة و سهلة ، الفكرة ببساطة إنك لما تشترى أى حاجة من عندنا فلوسك هترجعلك تانى ، مش بس كدة ده انت كمان لو اشتريت اكتر تكسب خصومات كبيرة و من هنا قدرنا نحقق مبدأ إنك كل ما تشترى أكتر تكسب أكتر.
بيحصل ازاى الكلام ده ؟ بيحصل باستخدام أسلوب في التسويق اسمه المستويات المتعددة ، و الأسلوب ده أصبح معروف و منتشر دلوقتى ، و في ناس بتسميه التسويق المباشر و ناس بتسميه التسويق الشبكى ، يمكن الفكرة مش جديدة لكنها جميلة وإن شاء الله هتعجبك .
إحنا أول ناس نطبقها بالشكل ده وفى أهم حاجة فى حياتنا – فى السلع الاستهلاكية والأساسية ، الأكل و الشرب و الدوات المكتبية و الملبس إلخ – يعنى من هنا ورايح هتاكل وتشرب وتلبس ببلاش ، طب ازاااااى .؟!
لو عايز تعرف بالتفصيل إقرا نظام سهلة الجديد.
إزاى تنضم لفريقنا
باختصار هما 6 خطوات هتعملهم ..
- أول خطوة إشترك معانا فى الموقع عشان تبقى عضو .. ولو عايز تعرف شروط العضوية بالتفصيل دوس هنا.
- تانى خطوة تجمع 2 من جيرانك اللى ساكنين معاك فى نفس البيت أو الشارع و تعرفهم اللى انت هتعرفه دلوقتى من الموقع وتخليهم يشتركوا زى ما انت هتشترك دلوقتى و بكدة تبقى كونت شبكتك الأساسية .
- تالت خطوة تطلب أوردر قيمته (400 نقطة بس) ليك وتخلى كل واحد فى شبكتك الأساسية يطلب أوردر ب400 نقطة هو كمان و هتجيلكم طلباتكم كلها على عناوينكم لحد البيت ثانى يوم الطلب و فلوسك هتفضل فى جيبك لحد ما تستلم الحاجات اللى طلبتها وتتأكد من صلاحيتها وجودتها .
- رابع خطوة تعلم الاتنين اللى شبكتك الأساسية يعملوا زيك و لما يعملوا كدة هيبقى عدد الأعضاء اللى اتكونوا في شبكتك 6 الأساسية و نقول لك مبروك عليك انت أصبحت عضو متميز عندنا و بيفتح لك النظام شبكة جديدة غير الشبكة الأساسية اسمها شبكة التميز و مش مطلوب منك غير تحط فيها شخص واح بس مباشر منك زى ما عملت الأول في الشبكة الأساسية .
- و دى هتبقى خامس خطوة إنك تعرف واحد كمان من قرايبك أو اصحابك أو أقرب الناس اليك و تعرفه زى ما عرفت شركاءك الاتنين اللى سجلوا معاك في الأول .
- الخطوة السادسة و الأخيرة بقى إنك تكرر عملية الطلب دى كل شهر ولو مرة واحدة و بعدين تخلى الناس اللى فى شبكتك يعملوا زيك بالظبط و يكونوا شبكاتهم الأساسية اللى هتكوَنلك شبكات جديدة تديلك فلوس أكتر زى ما عرفت من النظام بتاعنا.
إشترى على كيفك
عشان تعرف المنتجات المتاحة عندنا دلوقتى دوس هنا علما بإننا هنضيف كل يوم منتجات جديدة عشان تقدر تشترى كل اللى نفسك فيه على كيفك و تكسب كتير لأنك كل ما تشترى أكتر تكسب أكتر.
وبما إنك كدة كدة بتشترى الحاجات دى كل يوم و كدة كدة بتصرف فلوسك فيها إشترى من سهلة كأنك بالظبط بتشترى من السوبر ماركت اللى تحت البيت أو من أى سوبر ماركت كبير انت تعرفه وبتروح تشترى منه بنفسك و تاخد عربيتك أو تاكسى و تضيع وقتك ومجهودك هناك ، يعنى مش هتخسر أى حاجة لما تشترى من سهلة بل بالعكس هتوفر وقتك و جهدك ومصاريف الانتقال لأن طلباتك هتجيلك لحد عندك وكمان هتكسب مع الوقت .
إكسب مع فريقك
طيب ايه اللى هتكسبه لو عملت ال 6 خطوات دول؟
إرجع تانى لشرح نظام سهلة و اعرف الأرباح الكبيرة اللى تقدر تحققها مع الوقت، والوقت مش بعيد لو عملت اللى قلنالك عليه بالظبط نوعدك إنك هتاكل و تشرب ببلاش بعد 3 أو 4 شهور بالكتير وانت خسران ايه مانت طول عمرك بتاكل و تشرب و تصرف – بس – من غير ما تكسب أي حاجة و لو استمريت تشترى من عندنا هتكسب فلوس كتير فى خلال السنة الأولى و اللى ممكن توصل أرباحك أكتر من 5000 جنيه فى الشهر غير الهدايا و العروض و الخصومات اللى بتوصل ل 90% .
ودلوقتى بقى بعد ما عرفت الأرباح الكبيرة اللى تقدر تحققها مع الوقت و بعد ما قرأت شروط العضوية ووافقت عليها تقدر تشترك بسهولة و بساطة.
0 مشاهدة